Доналд Трамп, президенти Иёлоти мутаҳидаи Амрико аз хатари идомаи карантин дар кишвараш ҳушдор дод. 

Хабаргузории REGNUM  менависад, ки Трамп гуфтааст, «дар сурати дар Иёлоти мутаҳидаи Амрико  нигоҳ доштани тадбирҳои сахти маҳдудият, шояд таназзули вазнини иқтисодӣ ва шикасти низоми тандурустӣ ба амал ояд».

Ба гуфти Трамп, чунин тадбир ягон вақт аз ҷониби ҳукуматдорони ИМА баррасӣ нашудааст, чунки ин «комилан ғайриоқилона» мебуд. Аммо, ба гуфтаи Трамп, карантине, ки дар манотиқи мамлакат дар авҷи хуруҷи SARS-CoV-2 роҳандозӣ шуд, ҷони миллионҳо амрикоиро харид.