Русия дар минтақа Донетск талафоти сангине дод. Дар ҳамлаи мушакии Киев ба маҳалли истиқомати муваққати низомиёни рус дар ин минтақа ба қавли мақомоти укроинӣ садҳо сарбоз ва қавли русҳо 63 сарбоз кушта шуданд. Ин яке аз бузургтарин талафоти артиши Русия аз замони ҳамлаи низомӣ ба Укроин аст.
Мақомоти укроинӣ мегӯянд дар ҳамлае, ки тавассути HIMARS-ҳои амрикоӣ анҷом додаанд, 400 сарбози русро куштаанд. Бархе расонаҳои укроинӣ аз куштаву нопадид шудани 630 сарбози артиши Русия хабар додаанд. Гуфта мешавад аксари ин сарбозон аз шаҳри Толятии вилояти Самара будаанд.
Вазорати дифоъи Русия рӯзи душанбе дувуми январ аз мавриди ҳадаф қарор гирифтани маҳалли истиқомати муваққати нерӯҳои низомии ин кишвар дар биное дар шаҳри Макеевка дар шарқи Укроин хабар дод. Дар пайи исобати чаҳор мушак ба гуфтаи мақомоти ин кишвар 63 низомии Русия кушта шудаанд.
Дар баёнияи Вазорати дифоъи Русия омадааст, Киев бо ракетҳои Ҳимарс, сохти Иёлоти муттаҳидаи Амрико ба ин пойгоҳи муваққат ҳамла кард.
Маскав ҳамчунин эълом карда, ки падофанди ҳавоии Русия тавонистааст ду мушакро сарнагун кунад.
Бисёре аз расонаҳо таъйиди кушта шудан ин теъдод сарбоз дар як амалиёт аз сӯи Маскавро бесобиқа хондаанд. Русия то кунун ба нудрат дар мавриди талафоти неруҳои худ изҳор назар кардааст.
Артиши Укроин аммо омори сарбозони кушташудаи русро бо фарқ аз вазорати дифоъи Русия 400 кушта ва 300 захмӣ эълом кардааст.
Ба гузориш Тогс-шоу, веб-сайти шабакаи аввали телевизиони Олмон, сарбозони кушташудаи рус неруҳои тозанафасе буданд, ки ахиран ба дастури Владимир Путин басиҷ шуда буданд.
Гуфта мешавад ин сарбозон барои ҷашни соли нав дар маҳалли як донишкадаи Укроинӣ, ки ба ишғоли артиши Русия даромада буд, иқомат доштанд ва онҷо мавриди ҳадаф қарор гирифтанд.
Тасовир ва наворҳое, ки дар пайи ин ҳамла мунташир шудааст, як сохтмони пурра фурӯрафтаро нишон медиҳад.
Маҳалли тахрибшуда дар канори анбори муҳиммот будааст ва ба ҳамин далел инфиҷорҳои шадиде рух додааст. Бино ба эъломи Рейтерз, теъдоде аз сарбозон эҳтимоло ҳанӯз зер вайрона ҳастанд.
Гуфта шудааст артиши Укроин ба далели трафики болои додаҳои телефонҳои ҳамроҳ аз ин макон огоҳ шудааст.
Ситоди кулли артиши Укроин рӯзи душанбе дувуми январ эълом кард Русия аз оғоз ҷанг дар 24 феврал то кунун беш аз 107 ҳазор сарбоз худро аз даст додааст.