Ҷон Марк Поммершайм, сафири Амрико дар Душанбе гуфт кишвараш барои таъмини амният дар марз бо Афғонистон ба Тоҷикистон паҳбодҳои (дрон) «Puma» медиҳад. Ин дронҳо 20 миллион доллар арзиш доранд ва ба гуфтаи сафири ИМА, ба хотири ҳифзу назорати марзҳо пешбинӣ шудааст.
Қаблан мақомоти Қирғизистон бо истинод ба ҷониби туркӣ аз хариди паҳподҳои “Байрақтар” аз ҷониби Тоҷикистон хабар дода буданд, аммо мақомоти Тоҷикистон ин хабарро тасдиқ ё рад накарданд.
Поммершайм зимни як нишаст дар Душанбе изҳор кард гурӯҳҳое дар шимоли Афғонистон нияти анҷоми амалҳои террористӣ дар хориҷ аз Афғонистонро доранд. Дар ҳамин ҳол, сафир гуфт Амрико ният надорад дар Тоҷикистон пойгоҳи низомӣ созад.