Сухангӯи вазорати умури хориҷаи Эрон эълом кард ахиран мавзеъгирии мусбатеро аз сӯи Арабистони Саудӣ шунидаем, ки онро арҷ мениҳем.
Носир Канъонӣ, сухангӯи вазорати умури хориҷаи Ҷумҳурии Исломии Эрон изҳор дошт: мо аз ҳаргуна ибтикори мусбати барои ӣоло бурдани сатҳи ҳамкориҳои минтақаӣ байни кишварҳои минтақа истиқбол мекунем.
Вай дар конфронси хабарии имрӯзи худ ҳамчунин гуфт: ахиран мавзеъгирии мусбатеро аз сӯи бархе кишварҳо аз ҷумла Арабистони Саудӣ шунидем. Ин мавозеъро арҷ мениҳем ва нишонаи мусбат медонем.
Канъонӣ дар бораи пардохти қарзи Кореяи Ҷанубӣ ба Эрон низ тасреҳ кард: мутасифона ҳамкории давлати Кореяи Ҷанубӣ дар ин иртиботи ризоятбахш нест. Эрон интизор дорад, ки Кореяи Ҷанубӣ ба тааҳҳудоти қонунии худ амал кунад.
Сухангӯи вазорати умури хориҷаи Эрон дар поён гуфт: дар баробари иқдомоти аврупоиҳо алайҳи Сипоҳи Посдорон дастбаста нестем. Кишварҳои аврупоӣ бояд таваҷҷуҳ кунанд, ки барои муносиботи дуҷониба беш аз ин ҳазина эҷод накунанд.