ДУШАНБЕ, 11.06.2025 /АМИТ «Ховар»/. Дастаи мунтахаби ҷавонони то 18-солаи Тоҷикистон оид ба футбол чемпионати Ассотсиатсияи футболи Осиёи Марказӣ (CAFA U-20)-ро, ки 10 июн дар Ҳисор шуруъ гардид, бо пирӯзӣ оғоз намуд.

Тавре ба АМИТ «Ховар» дар Федератсияи футболи Тоҷикистон хабар доданд, дастаи ҷавонони Тоҷикистон  дар оғози мусобиқот дар гурӯҳи «А» бар тими Афғонистон бо ҳисоби 2:0 пирӯз шуд.

Тими ҷавонони Эрон дар гурӯҳи «В» бар дастаи Туркманистон бо ҳисоби 1:0 пирӯз шуд.

Бозиҳои даври дуюм 12 июн дар Варзишгоҳи «ТАЛКО Арена»-и шаҳри Турсунзода баргузор мешаванд.

АКС: Федератсияи футболи Тоҷикистон