Давоми нӯҳ моҳи соли ҷорӣ дар ҳудуди Тоҷикистон 3936 коргоҳу корхонаҳои истеҳсолӣ ба қайд гирифта шуда, фаъолият намудаанд. Дар ин аз бора аз Агентии омори назди Президенти Ҷумҳурии Тоҷикистон хабар доданд.
Аз шумораи умумии корхонаҳои фаъол, бахшҳо ба таври зайл тақсим шудаанд:
🔹 Соҳаи коркард – 3407 корхона (тақрибан 87%). Ин бахш дар бар мегирад корхонаҳои истеҳсоли маҳсулоти ғизоӣ, саноати сабук, масолеҳи сохтмон, коркарди маъдану металлҳо ва ғайра.
🔹 Соҳаи истихроҷи захираҳои табиӣ – 354 корхона. Бештар ба кандани маъдан, ангишт, сангҳои қиматбаҳо ва дигар захираҳои зеризаминӣ машғуланд.
🔹 Таъминоти нерӯи барқ, газ, буғ ва тозакунии ҳаво – 72 корхона. Иншооти таъминкунандаи манбаъҳои энергетикӣ ва хизматрасонӣ дар соҳаи муҳити зист.
🔹 Таъминоти об ва коркарди партовҳо – 103 корхона. Бо назардошти мушкилоти муҳити зист ва партовҳои саноатӣ, афзоиши корхонаҳои ин соҳа як зарурат ба шумор меравад.
Фаъолияти корхонаҳои саноатӣ дар сатҳи вилояту шаҳрҳо ба таври зайл тақсим шудааст:
- вилояти Суғд – 1301 корхона (33%);
- вилояти Хатлон – 897 корхона (22.8%).
- шаҳри Душанбе – 849 корхона (21.6%);
- Ноҳияҳои тобеи ҷумҳурӣ (НТҶ) – 703 корхона (17.9%);
- ВМКБ (Вилояти Мухтори Кӯҳистони Бадахшон) – 186 корхона (4.7%).
Рақамҳо ва тақсимоти мазкур нишон медиҳанд, ки раванди саноатисозии Тоҷикистон дар ҳоли рушд қарор дорад. Бо роҳандозии барномаҳои стратегии давлатӣ, ба монанди “Солҳои рушди саноат (2022–2026)”, заминаҳои мусоид барои рушди минбаъдаи инфрасохтори саноатӣ фароҳам оварда шудаанд.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube