Хулуси Окор, вазири дифоъи миллии Туркия эълом кард, ки мутобиқ бо дастуруламалҳо ва “дар чорчуби ҳаққи дифоъи машрӯъ”, то кунун 54 мавзеъи мутааллиқ ба режими Асад ҳадаф қарор гирифта ва 76 сарбози ин режим аз пой даромадаанд. 

Хулуси Окор, вазири дифоъи миллии Туркия пас аз боздид аз ягонҳои мустақар дар нуқтаи сифри марзи устонҳое бо Сурия, тайи изҳороте дар бораи ҳамла дар Идлиби Сурия гуфт: Мутобиқ бо дастуруламалҳо ва дар чорчуби ҳаққи дифоъи машрӯъ, аносири мо дар он ҷо алайҳи мавозеъи режим ба суръати вокуниши мутақобилро нишон додаанд. То кунун 54 мавзеъи мутааллиқ ба режими Асад ҳадаф қарор гирифта ва бар асоси иттилооте, ки аз манобеъи мухталиф дарёфт кардаем, 76 сарбоз аз нерӯҳои ин режим аз пой даромадаанд. 

Окор тасреҳ кард: Дар соатҳои 16.13 ва 22.27 дақиқаи дирӯз, дӯстон мо, пиринили марбута дар тарафи русиро матлаъ карданд. Алорағм ҳама ин иртиботот, иттилоърасониҳо ва тадобир, дар соат 01.13 дақиқа шаби гузашта, нерӯҳои режим ба сӯи сарбозони мо оташ кушоданд. 

Вай афзуд: ин раванд дар чорчуби тавофуқномаҳои Сочӣ ва Остона оғоз шудааст. То кунун дар ҳамин росто оташбасҳое мутааддид низ эълом шуда, ки ҳар бор тавассути режим нақз шуда ва тадовум онҳо тазмин нашудааст. 

Окор идома дод: дар ин замина ба талоши худ идома медиҳем ва иқдомоти дигареро дар ростои тадовуми оташбас, итминон аз амнияти сарбозонамон ва ҷилавгирӣ аз мавҷи ҷадиди муҳоҷират ва ҳамчунин поён додан ба трагедии инсонии мардуми ин минтақа дар шароити сахти зимистон анҷом хоҳем дод. 

Вазорати умури хориҷаи Амрико низ ҳимояти худ аз вокуниши Анқара ба ҳамалоти режими Асадро эълом кард. 

Бо гузориши хабаргузории Анатолу, Морган Динн Ортагус, сухангӯи вазорати умури хориҷаи Амрико гуфтааст “Амрико аз вокуниши машрӯъи Туркия ҳимоят мекунад ва дар ин замина бо давлати ин кишвар дар ҳоли музокира ҳастем”. 

Сухангӯи вазорати умури хориҷаи Иёлоти муттаҳидаи Амрико дар идома ҳамчунин тасреҳ кард: 

“Амрико дар чунин шароите ҳомии Туркия, ба унвони муттаҳиди худ дар НАТО аст. Русия, Эрон ва Ҳизбуллоҳ бо ҳимоят аз режими Асад, нақзи оташбас ва иқдомоти мухарриб, суботи минтақаро таҳдид мекунанд. 

Ин масъала монеъи бозгашти амни оварогони сурӣ ба кишварашон аст. Бояд ҳар чӣ сареътар оташбас дар минтақа барқарор ва имкони ирсол кумакҳои башардӯстона барои онҳо дар Сурия фароҳам шавад”. 

Гуфтанист бомдоди рӯзи гузашта бар асари ҳамлаи тӯпхонаи режими Башшор Асад дар Идлиб 8 тан аз ҷумла панҷ нафар аз нерӯҳои артиши Туркия ва як ғайринизомӣ кушта шуда ва 7 тани дигар низ маҷрӯҳ шуданд.