Шеъре аз Нуқра Суннатниё, шоираи тоҷики муқими Русия

Шокистам, зи хилвати шабҳо сухан магӯ,
Аз бӯса, аз ҳарорати лабҳо сухан магӯ!
Ин сирри ноаён,
Ин дарди беамон-
COVID-19, ҳамаро ошкор кард.

Бо ҲАР КӢ будаҳо ва ҲАР КӢ набудаҳо,
Бо бутҳои сохта бо дасти мо,- Худо,
Бо ҳаркӣ ношинос,
Бо ҳарчӣ но-Худо
Моро шинос кард.

COVID — 19, ҳамаро ошкор кард:
Дилҳои мову он ҳама тарсу гумону шак;
Дастони мову домани найранги бутҳо-
Дар маърази ХУДО!..
Эй ёр!
Эй издиҳоми хуфта!
Шояд, ки баъд аз ин
аз хоби кобусии худ бедор мешавем?

Сообщение ПАЁМ.net.