Кумитаи ҳолатҳои фавқулода ва мудофиаи граждании Тоҷикистон барои интиқол, насб ва ба истифода додани таҷҳизот барои навсозии системаи назорат ва огоҳии барвақти кӯли Сарез дар Тоҷикистон шартнома ба имзо расонид.

Тибқи иттилоияи намояндагии Бонки Рушди Осиё дар Тоҷикистон Шартнома қисми Лоиҳаи миллии идораи хатари офатҳои табиӣ мебошад, ки аз ҷониби гранти Бонки Рушди Осиё ба маблағи 10 миллион доллари Иёлоти Мутаҳидаи Амрико маблағгузорӣ мешавад.

Шартнома ба маблағи 750 ҳазор доллар бо ширкати «Group Limited Liability Partnership»-и Қазоқистон, ки дар натиҷаи озмуни кушоди Бонки Рушди Осиё интихоб гардидааст, имзо шуд.

Таҷҳизоти нави назорат ва огоҳкунии барвақт аз дастгоҳҳои GPS, акселерометрҳои қавиҳаракат, санҷандаҳои фишори зериобӣ, бесарнишин, радио, телефонҳои моҳворавӣ, истгоҳҳои обу ҳавои автомобилӣ, истгоҳҳои гидрологӣ, истгоҳҳои гидрометрӣ ва ғайра иборатанд.

Гуфта мешавад, ки Бонки Рушди Осиё инчунин оид ба кор бо таҷҳизоти нав, ки  моҳи июли соли 2021 ба истифода дода мешавад, омӯзиш мегузаронад.

Кӯли Сарез дар кӯҳҳои Помири Тоҷикистон ҷойгир аст. Ин кӯл соли 1911 дар натиҷаи заминларзаи шадид, ки ярчҳои азимеро ба амал овард ва дарёи Мурғобро баст, ба вуҷуд омадааст. Дарозии кӯл зиёда аз 60 км, чуқуриаш 500 м буда, тақрибан 17 километри мукааб об дорад. Минтақаи кӯл зери фаъолнокии назарраси сейсмикӣ қарор дорад, ки он назорати кӯлро талаб мекунад.