Бештар аз 20 миллион рубл ба суратҳисобҳои шахсии сарбозони пойгоҳи низомии 201-уми Русия дар Тоҷикистон интиқол дода шуд, ки онҳо хоҳиши харидани манзили худро дар Русия бо ипотекаи низомӣ дар соли 2020 доштанд.

Дар ин бора дафтари матбуотии Вазорати дифои Русия хабар дода, навиштааст,  «Шумораи низомиёне, ки хоҳиши узвият дар системаи пасандозҳо ва ипотекаро дар соли 2020 изҳор доштанд, тақрибан 300 нафарро ташкил дод, ки аз онҳо 147 нафарашон барои хариди амволи ғайриманқул пул пардохт карданд. Масоҳати миёнаи як хонаи харидашуда дар бозори дасти дуюм тақрибан 60 метри мураббаъро ташкил дод ва масоҳати миёнаи хонаи бадастомада дар бинои нав тақрибан 65 метри мураббаъ ва аз он бештарро ташкил медиҳад. Аксар вақт, хизматчиёни ҳарбӣ харидани квартираҳоро дар биноҳои нав, ки бо истифода аз технологияҳои муосир сохта шудаанд, афзал медонанд ».

Ҳаҷми саҳми солонаи маблағгузорӣ дар соли 2021 тақрибан 300 ҳазор рублро ташкил медиҳад. Андозаи ниҳоии қарзи ипотека дар доираи барномаи Ипотекаи ҳарбӣ, ки аз ҷониби бонкҳои шарик ба иштирокчиёни системаи пасандозҳо ва ипотека дода мешавад, айни замон тақрибан 3,2 миллион рублро ташкил медиҳад.

Иштирокчиёни системаи амонатгузорӣ ва ипотека то ҳол яке аз категорияҳои боэътимоди қарзгирандагон барои ташкилотҳои қарзӣ мебошанд; давлат, ки аз ҷониби Вазорати мудофиа намояндагӣ мекунад, ӯҳдадориҳои қарзро дар давраи хидмати ҳарбӣ иҷро мекунад. Пас аз се соли иштирок дар система, иштирокчии системаи пасандозҳо ва ипотека метавонад қарз барои хариди манзилро дар ҳама минтақаҳои Русия истифода барад.

Пойгоҳи низомии 201-и мустақар дар Тоҷикистон бузургтарин пойгоҳи низомии Русия дар дар хориҷ ба шумор меравад. Он дар ду шаҳр — Душанбе ва Бохтар ҷойгир аст..