Артиши Либия се сомонаи падофанди ҳавоии “Пантсир” сохти Русия мутааллиқ ба шибҳинизомиёни халифа Ҳафтарро дар шаҳри Тарҳуна мунҳадим кард. 

Сарҳанги Муҳаммад Қонунӣ, сухангӯи артиши Либия тайи баёнияе эълом кард: Аз шаби гузашта то кунун воҳидҳои тӯпхонаӣ ва паҳподи мусаллаҳи артиши кишварамон мавозеъи шибҳинизомиён Ҳафтар дар шаҳрҳои Тарҳуна ва Сартро ҳадаф қарор додаанд. 

Қонунӣ дар идома гуфт: Дар пайи ин ҳамалот се сомонаи падофанди ҳавоии “Пантсир”-и сохти Русия мунҳадим шуданд. 

Гуфтанист, ки бомдоди имрӯз низ як сомонаи падофанди ҳавоии “Пантсир”-и сохти Русия тайи амалиёти ҳавоии артиши Либия, ки ба он Туркия кӯмак мекунад, дар шаҳри Тарҳуна мунҳадим шуд. 

Бад-ин тартиб тайи ҳашт соати гузашта дар маҷмӯъи 4 сомона падофанди ҳавоии “Пантсир”-и сохти Русия, ки Амороти муттаҳидаи арабӣ барои шибҳинизомиёни халифа Ҳафтар таъмин карда буд, мунҳадим шуданд.

Сообщение ПАЁМ.net.