Маҷлиси намояндагони Тоҷикистон имрӯз тағйирот ба қонун “Дар бораи қайди ҳолати шаҳрвандӣ”-ро тасвиб кард, ки тибқи он истифодаи пасвандҳои русӣ барои насаб дар Тоҷикистон манъ шуд. Танҳо намояндагони ақаллиятҳои миллӣ аз ин таҳрим истисно ҳастанд.

Хати таваллуд минбаъд танҳо бо пасвандҳои тоҷикии насаб дода мешаванд. Пасвандҳои русӣ мисли  “вич”, “ов”, “ев”, “ева”, “овна” минбаъд истифода намешаванд. Музаффар Ашӯриён, вазири адлияи Тоҷикистон, ки ин қонунро дар парлумон муаррифӣ мекард гуфт, ки тағйирот ба қонун танҳо гирандагони нави хати таваллудро дарбар мегирад. Онҳое, ки қаблан бо пайвандакҳои русии насаб шаҳодатномаи таваллуд гирифтаанд, метавонанд бо ҳамон шакли насаб шиноснома гиранд.   

“Тағйироти воридкардашуда ба қонун “Дар бораи қайди ҳолати шаҳрвандӣ” ба онҳое дахл дорад, ки баъди мавриди иҷро қарор гирфитани қонун шаҳодатнома мегиранд. Минбаъд пасвандҳои суннатии тоҷикии насаб аз қабили “зод”, “зода”, “он”, “ён”, “духт”, “пур” и “фар” истифода хоҳанд шуд. Барои намояндагони ақаллиятҳои миллие, ки дар қаламрави ҷумҳурӣ ба сар мебаранд, истисно аз ин қонун пешбинӣ шудааст” — изҳор дошт вазир.